Лагере – экзамен тытса
Кăçалхи пуш уйăхĕн 23-мĕшĕнче Çамрăксен пуçарăвĕсен центрĕнче «Вожатăй» программăпа професси вĕрентĕвĕ пуçланнăччĕ.
Вожатăй пулма хатĕрленекенсем теори пайне ăса хывнă, зачет тытнă. Ачасемпе хутшăнмалли меслетсене алла илеççĕ. Çу уйăхĕн 20-мĕшĕнче Çамрăксен пуçарăвĕсен центрĕнче вăйă евĕрлĕ ăсталăх класĕ иртнĕ. Унта ачасене япăх çанталăкра мĕнпе кăсăклантармаллине хăнăхтарнă. Çу уйăхĕн 26-28-мĕшĕсенче пĕтĕмлетӳллĕ квалификации экзаменĕ пулĕ. Унта илнĕ свидетельство кăçал çуллахи лагерьте ĕçлеме ирĕк парать.