Чӑваш Ен Пуҫлӑхӗ Олег Николаев ҫамрӑк ҫемьесен Ассоциацийӗн ҫемйисемпе тӗлпулусем ирттересси пирки Правительство ҫуртӗнче кашни эрнере пулакан канашлура сăмах пуҫарнă. Чăваш Республикин Министрсен Кабинечĕн Председателĕн ҫумне – вĕренӳпе ҫамрăксен политикин министрне Алла Салаевăна, республикăн Ĕҫпе  социаллă хӳтлĕх министерствине тата общество организацийӗн представителӗсене республикӑри социаллă пулăшусем ҫинчен ачаллă ҫемьесене тĕрев парасси ыйтăва сӳтсе явма хушнă.

"Эпир шӑпах ҫемьесемпе хутшӑнса ӗҫлесшӗнччӗ, социаллӑ пулӑшу паракан кирлӗ мерӑсене сӳтсе явас тесе пысӑкрах представительлӗ пӗр-пӗр площадка йӗркелесшӗнччӗ: вӗсем мӗн таран тухӑҫлӑ, чи кирли вара пирӗн малалла мӗнле пымаллине. Ку питӗ усӑллӑ мероприяти пулӗ тетӗп", – тенĕ Олег Николаев.

Республика Пуҫлӑхӗ Шупашкарта канмалли кунсенче ҫамрӑк ҫемьесен "Пӗрлешӳ" спорт фестивалӗ иртнине аса илнĕ. Унта Чӑваш Енри ҫамрӑк ҫемьесен Ассоциацийӗ йӗркелеме старт панӑ, ӑна муниципалитет районӗсемпе хуласенче ҫамрӑк ҫемьесен клубӗсене пӗрлештерме чӗннĕ. Ҫӗнӗ ҫамрӑксен юхӑмне тӑвас пуҫару республикӑри Вӗренӳ министерствипе Чӑваш Ен Хӗрарӑмӗсен союзӗ шутланать.

Чӑваш Ен Пуҫлӑхӗ ҫавӑн пекех хуласемпе районсен пуҫлӑхӗсене муниципалитетсен пурнӑҫне Ассоциаци пайташĕсене хастарлӑн явӑҫтарма чӗнсе каланă.