Почта ҫыхăнăвĕн хисеплĕ ĕҫченĕсем тата отрасль ветеранĕсем!

Сире професси уявĕпе - Раҫҫей почтин кунĕпе  -  чун-чĕререн саламлатăп!

Паянхи тĕнчере почта ҫыхăнăвĕ чи массăллă тата коммуникаци тĕлĕшĕнчен чи шанчăклă хатĕр шутланать. Почта ҫыхăнăвĕн тытăмĕ куллен ҫĕнелет. Хальхи йышши цифра технологийĕсем, пысăк технологиллĕ ĕҫ меслечĕсем пурнăҫа кĕреҫҫĕ, инфратытăм ҫĕнелет, ҫăмăллăх кӳрекен майсем анлăланаҫҫĕ, вĕсен пахалăхĕ ӳсет.

Почта ҫыхăнăвĕн хисеплĕ ĕҫченĕсем! Эсир почта ҫыхăнăвне аталантарас, ҫĕнетес тата лайăхлатас тĕлĕшпе пысăк тӳпе хывнине палăртса хăварас килет. Хăвăрăн ăсталăхăрпа, яваплăхăрпа тата ĕҫĕре юратнипе, юнашар вăй хуракансемпе тимлĕ пулнипе палăрса тăратăр. Тавах сирĕн ĕҫĕршĕн тата профессие парăннăшăн. Отрасль ветеранĕсен умĕнче пуҫ таятăп.

 Малашнехи ĕҫĕрте  ăнăҫу, сывлăх, телей тата ырлăх сунатăп.

Чăваш Республикин Пуҫлăхĕ                              Олег Николаев