Чăваш Енӗн коммерципе çыхăнман организацисен 22 проектне президент гранчӗсен фончӗ урлӑ пулӑшу панӑ
Кӑҫал пӗр проекта пурнӑҫлама уйӑракан грант виҫи 200 пинрен пуҫласа 1 миллион тенкӗ таран ӳснӗ. Кун ҫинчен Правительство ҫуртӗнче кашни эрнере ирттерекен канашлура экономика аталанӑвӗн тата пурлӑх хутшӑнӑвӗсен министрӗн тивĕҫĕсене пурнăҫлакан Надежда Столярова пӗлтернӗ.
Конкурс президент гранчӗсен Фонд площадкинче https://чувашия.гранты.рф.иртнӗ. Ăмăртăва хутшăнма, Президент гранчĕсен конкурсне пирĕн республикăран коммерципе çыхăнман организацисем (НКОсем) 48 заявка тăратнă, вĕсенчен 22 организацийĕ пĕтĕмĕшле 18,3 млн тенкĕлĕх патшалăх тата фонд пулăшăвне илĕҫ.
«Чи анлă сарăлнă проектсем – наукăпа, вĕрентӳ, граждансен сывлăхне сыхласси, сывă пурнăҫ йĕркине тытса пырасси», – тесе хыпарланă хăйĕн сăмахĕнче Надежда Столярова.
Чăваш Ен НКОсем тивĕҫекен патшалӑх пулӑшӑвӗ федерацин чи пысӑк грантооператор – президент гранчӗсен фончӗ - регион конкурсне йӗркелессине пула икӗ хут ӳснĕ. Регионти конкурс бюджечӗ кӑҫал 20 млн тенкӗпе танлашнӑ. Фондран куҫакан укҫа виҫи республика финанс пулӑшӑвӗ пама палӑртнӑ виҫепе (10 млн тенкӗ) пурнӑҫланӑ.