Николай Сергеев артистăн юбилейне уявлĕç
Чăваш Республикин тава тивĕçлĕ артисчĕ Николай Сергеев кăрлач уйăхĕн 31-мĕшĕнче 60 çул тултарнă.
Чăваш сценин ăсти Шăмăршă районĕнчи Асанкасси ялĕнче1961 çулхи кăрлач уйăхĕн 31-мĕшĕнче çуралнă. 1983 çулта Мускаври М.С. Щепкин ячĕллĕ Аслă театр училищинчен вĕренсе тухнăранпа К.В. Иванов ячĕллĕ Чăваш патшалăх академи драма театрĕнче артистра ĕçлет.
Нарăс уйăхĕн 4-мĕшĕнче театрта артистăн юбилей каçĕ иртĕ. Арсений Тарасовăн «Юратăва çул парăр» пьеси тăрăх лартнă спектакльте Николай Сергеев Граф рольне калăплĕ. Юбилей каçĕнче артиста ĕçтешĕсем, ентешĕсем тата тăванĕсем саламлĕç.
