Чӑваш Ен Пуҫлӑхӗ Олег Николаев строительство организацийӗсен ертӳҫисемпе тӗлпулу ирттернӗ
Пуш уйӑхӗн 12-мӗшӗнче Чӑваш Ен Пуҫлӑхӗ Олег Николаев строительство организацийӗсен ертӳҫисемпе тӗлпулу ирттернӗ.
Федерацин "Пурӑнмалли ҫурт-йӗр" проектне пурнӑҫламалли тĕллевсем ҫинчен калаҫнӑ май, регион Пуҫлӑхӗ Чӑваш Республикин имиджӗн чи лайӑх енӗсенчен пӗри -строительство тытăмĕ пулнине каланă.
"Строительствӑна чӑн-чӑн аталантарас тесен пирӗн малалла пӑхмалла, рынокра хальлӗхе ҫук ҫул-йӗрсене сӳтсе явмалла", - палӑртнӑ вӑл.
Сӑмахран, Олег Николаев малашлӑхлӑ ҫул-йӗрсем: аренда пурӑнмалли ҫурт-йӗр рынокĕ тата ял территорийӗсене туса лартасси тесе асăннă.
Ҫавра сӗтел хушшинче строительство отрасльӗн пĕлтĕрхи ӗҫ-хӗлне пӗтӗмлетнӗ, пурӑнмалли ҫурт-йӗр строительствине аталантармалли патшалӑх пулӑшӑвӗн мерисене, ҫурт-йӗр хута ямалли калӑпӑшсене ӳстермелли йĕркесене сӳтсе явнӑ.
Сӑмахран, 2021-2024 ҫулсенче строительство отрасльне патшалӑх пулӑшӑвӗн шайӗнче темиҫе программа пулӗ: пурӑнмалли ҫурт-йӗр строительстви валли инженер инфратытӑмӗ тӑвасси, "Хавхалану" программа тата ыттисем те.
