Эрех-сăрапа пирус кăларакансен ытти тӳлевсемсĕр пуçне хыснана акцизшăн тӳлеме тивет. Суя тавар кăларакансем çак йĕркерен пăрăнма хăтланаççĕ. Çакă пĕр енчен бюджета шар кăтартать, тепĕр енчен пахалăхсăр эрех-сăра çын пурнăçне сиенлетме пултарать. Кун пек тĕслĕхсене пĕтермелли майсене промышленность продукцийĕн саккунсăр çаврăнăшĕнĕпе кĕрешекен комисси ларăвĕнче тишкерчĕç.