Чĕлхе аталанăвĕ – унпа анлă усă курнинче
Патшалăх Канашĕн 48-мĕш сессийĕнче чăваш чĕлхин аталанăвĕн программи пирки каланă май ЧР Пуçлăхĕ чăвашла хаçатсем тухнине, телекурав, радио ĕçленине çирĕплетрĕ.
Программăпа килĕшӳллĕн библиотекăсене чăвашла кĕнекесен пĕрремĕш партийĕ çитнĕ те ĕнтĕ. Ытти ĕç пирки те калама пулать, анчах, Олег Алексеевич шучĕпе, чăваш чĕлхин аталанăвĕ валли чи малтан пурте — чиновниксем, тĕрлĕ шайри пуçлăхсем, ыттисем — унпа анлăрах усă курни кирлĕ. Чăвашла калаçмарăмăр тăк — чĕлхе аталанăвĕ пирки ĕмĕтленни те кăлăхах.
