Çулсеренех Раççейре вăл шутра пирĕн республикăра та «Атăлçи театрĕсем» проект пурнăçланать. Унăн тĕллевĕ- çамрăксене сцена ĕçне явăçтарасси тата  театр искусствине аталантарасси. Фестиваль вăхăтĕнче çамрăксем ăсталăх класĕсене хутшăнаççĕ, актерсемпе, режиссерсемпе тĕл пулаççĕ. Хальхиче вĕсем Пушкăртри искусствăсен тава тивĕçлĕ  ĕçченĕпе Байрас Ибрагимов режиссерпа тата  Питĕрти театроведпа, филологи наукисен докторĕпе Сергей Ильченкăпа  тĕл пулчĕç.