Чăваш Республикин Пуçлăхĕ Олег Николаев Культура ĕҫченĕсен кунӗ ячӗпе саламлани
Хисеплĕ культура ĕҫченĕсем тата ветерансем!
Сире професси уявĕпе саламлатăп!
Эсир туса пыракан ĕҫĕн - тăван халăхăн хăйне евĕрлĕ культурине, истори еткерлĕхне, тăван чĕлхепе литературăна аталантарса ламран лама парса пынин, кăмăл-сипет пуянлăхне упранин - хакĕ питĕ пысăк.
Сирĕн ăсталăх Чăваш Енре Раҫҫей, тĕнче шайĕнчи фестивальсемпе конкурссене ирттерме, юрă-кĕвĕ тата театр проекчĕсене пурнăҫлама май парать. Пултарулăхăра профессионалсем тата искусствăна юратакансем пысăк хак параҫҫĕ, ҫакă ҫĕршывăн культура тĕнчинче пирĕн регион ят-сумне тата ӳстерет.
Кулленхи тăрăшуллă ĕҫшĕн тата профессие чунпа парăннăшăн чĕререн тав тăватăп. Пултарулăхра ăнăҫу, хавхалану, ҫĕнĕ ҫитĕнӳсем тума сунатăп!
Чăваш Республикин Пуҫлăхĕ Олег Николаев