«Чăваш Ен патшалăх театрĕсем валли тĕллевлĕ майпа режиссерсем хатĕрлемелле. Çак ĕçе Мускаври вĕренӳ учрежденийĕсенче йĕркелемелле. Кăçал малтанласа  Иванов ячĕллĕ чăваш патшалăх академи драма театрĕнчен пĕр çынна вĕренме ярĕç». Кун пирки Республика Пуçлăхĕ Олег Николаев тăван чĕлхене, наци культурипе ӳнере сыхлас-упрас тата аталантарас ыйтусемпе йĕркеленĕ тĕлпулура каларĕ.