Чи лайăх вĕрентекенсем – Мускава
Ака уйăхĕн 22-мĕшĕнче Çĕнĕ Шупашкарти 2-мĕш шкулта чăваш чĕлхи вĕрентекенĕсен республика конкурсĕ иртрĕ.
Ăмăртăвăн 2-мĕш тапхăрне кăçал районпа хула шайĕнчи конкурсра çĕнтернĕ 7 вĕрентекен хутшăннă. Хальхинче вĕсем «Ăçтаçă урокĕ», «Подиум çинче — чăваш тумĕ» номинацисенче тупăшнă. Урока Çĕнĕ Шупашкарти 2-мĕш шкулти вĕренекенсемпе ирттернĕ. Чăваш чĕлхи вĕрентекенĕсен республика конкурсĕнче Надежда Варюхина /Муркаш районĕ, Мăн Сĕнтĕр шкулĕ/ çĕнтернĕ. Вăл Мускавра иртекен наци чĕлхисен вĕрентекенĕсен конкурсне хутшăнĕ.
Республикăра тухса тăракан хаçат "Хыпар"
