Ыркăмăллăхçăсем валли – шкул
Ака уйăхĕн 23-25-мĕшĕсенче сывлăха çирĕплетекен «Хĕвел» ача-пăча лагерĕнче виçĕ кун Медик-волонтер шкулĕ ĕçлерĕ.
Ку мероприятие И.Н. Ульянов ячĕллĕ ЧПУн медицина факультечĕн тата Шупашкарти медицина колледжĕн студенчĕсем валли йĕркеленĕ. Пурĕ 80 çын хутшăннă. Медик-волонтер шкулне йĕркелекенĕ — Пĕтĕм Раççейри «Медик-волонтерсем» сывлăх сыхлав сферинчи общество ыркăмăллăх юхăмĕн регионти уйрăмĕ. Çак ĕçе медицинăри ыркăмăллăх ĕç-хĕлĕпе кăсăкланассине, ку енĕпе проектсем хатĕрлессине, сывлăх сыхлавĕнчи волонтер юхăмĕн лидерĕсене вĕрентессине вăйлатмашкăн пуçарнă.
