Чăваш Республикин Пуçлăхĕ Олег Николаев Ҫуркуннепе Ӗҫ уявӗ ячӗпе саламлани
Хисеплӗ ентешӗмӗрсем!
Сире Ҫуркуннепе Ӗҫ уявӗ ячӗпе чун-чӗререн саламлатӑп!
Майӑн пӗрремӗшӗ йӑлана кӗнӗ пекех тӗрлӗ ӗҫре вӑй хуракан тӗрлӗ ӑру ҫыннисене пӗрлештерет. Вӑл ҫут ҫанталӑк чӗрӗлӗвӗпе ӗҫ мухтавӗн, ӑшпиллӗхпе пӗршухӑшлӑх уявӗ.
Регион тивӗҫлипе мӑнаҫланакан пӗтӗм ҫитӗнӳ – кунта пурӑна-кан пин-пин ҫыннӑн витӗмлӗ ӗҫ кӑтартӑвӗ. Влаҫ органӗсемпе ӗҫ коллективӗсен, бизнес-пӗрлӗхӗпе общество тата политика организацийӗсен вӑй-халне тачӑрах пӗрлештерсе кӑна эпир республикӑри пурнӑҫа тата та лайӑхрах тума пултаратпӑр.
Пурте пӗлекен «Мир! Ӗҫ! Май!» йыхрав пире унчченхи пекех ҫӗнӗ ҫитӗнӳсем тума хавхалантартӑр. Пурсӑра та ҫурхи савӑк кӑмӑл-туйӑм тата ӑнӑҫусем сунатӑп!
Чӑваш Республикин Пуҫлӑхӗ Олег Николаев