Чăваш Республикинче Ҫĕнĕ Шупашкарта RDF-топлива тирпейлесе кăларакан завод хута яма палăртаҫҫĕ.  Кун пек йышăнăва Раҫҫей экологи операторĕн представителĕсемпе  Правительство ҫуртĕнче ĕҫлĕ канашлу ирттернĕ вăхăтра пăхса тухнă, йăлари хытă каяшсене пухса тирпейлессипе ҫыхăннă ыйтусем ҫине тимлĕх уйăрнă.  

«Йăлари хытă каяшсене пухса тирпейлес ыйтушăн уйрăмах ҫак завода хута яни пысăк пĕлтерĕшлĕ пулса тăрать.  Экономика тухăҫлăхне ӳстерме май парать», – тесе каланă Олег Николаев хăйĕн сăмахĕнче.  

Хальхи вăхăтра РЭО предприятисемпе пĕрле  ĕҫлĕ килĕшӳсем хатĕрлет.  Чи малтанах ҫак ҫĕнĕлĕх цемент промышленноҫĕсемшĕн пĕлтерĕшлĕ пулса тăрĕ.

«Республикăра эпир RDF-топлива производствине тума ыйтăва тишкеретпĕр.  Заводсемпе килĕшсе ĕҫлесси пирки те ыйтăва сӳтсе явнă.  Компанисемпе уҫă калаҫусем ирттеретпĕр.  Тарифсен историне те йĕркелесе пыратпăр. Мĕн чухлĕ топлива хатĕрлеме пултарассине те ыйтăва тĕпчетпĕр», – тесе каланă хăйĕн сăмахĕнче  ППК РЭО  департаментăн ертӳҫи   Олег Шияновский.  

Проекта пурнăҫа кĕртме палăртнă ыйтусене ятарлă влаҫ органĕсемпе пĕрле РЭО специалисчĕсене тарăн тишкерсе, малашнехи ĕҫсем пирки тĕллевсене палăртса хума каланă регион Ертӳҫи.   RDF-топливо экологи енчен хăрушлăх кăларса тăратмĕ.  Кун пирки специалистсем ҫирĕппĕнех палăртса калаҫҫĕ.

Чăваш Республикин Пуҫлăхĕ Олег Николаев хушăвĕпе килĕшӳллĕн, йăлари хытă каяшсене пухса тирпейлессипе пăхса хăварнă территори схемине ҫĕнĕлĕхсем кĕртĕҫ.  

«Раҫҫей Федерацийĕнчи паха ĕҫ опычĕсене тĕпе хурса, территори схемине ҫĕнĕлĕхсем кĕртме хушатăп. Паллă, ҫĕнĕ тытăм пирки халăхпа пĕрле анлăн сӳте явма тивет.  Пирĕн тĕп тĕллевсенчен пĕри – усал ҫӳп-ҫапа пухса тирпейлесси,  таса экологипе халăха тивĕҫтересси», – тесе каланă регион Пуҫлăхĕ.

Хальхи вăхăтра Чăваш Республикинче пĕтĕмпе йăлари хытă каяшсене пухса тирпейлемелли вырăнсем 11 шутланаҫҫĕ, вĕсене Патшалăх реестрне те кĕртнĕ.  Кунсăр пуҫне Шупашкарта тата Ҫĕнĕ Шупашкарта  ҫӳп-ҫапа тирпейлекен комплекссем пур.  Ҫулталăкне вĕсем 150 пин тонна калăпăшпа ҫӳп-ҫапа тирпейлеме пултарайраҫҫĕ.

Чăваш Республикинче 2025-мĕш ҫулччен ТКО комплекслă тытăмне тăвассипе палăртнă регионти проектпа килĕшӳллĕн, пухăнакан йăлари хытă каяшсенчен 8 процентне пăрахăҫлама, ытти 81, 9 процентне вара тирпейлесе тепĕр хут  кăларма   тĕллев лартнă. Хальхи вăхăтра палăртса хунинчен пурĕ 1,9 процент пăрахăҫланать, 65 проценчĕ вара тирпейленсе тепĕр хут ĕҫе кĕрет. 2030 ҫулсем тĕлне Раҫҫей Президенчĕ мĕнпур ҫӳп-ҫапсенчен 100 проценчĕ таранах ҫĕнĕлле тирпейленсе пухăнса пымаллине калать. Кун пек кăтартусем патне  ҫитме хальхи территорисен схемипе май ҫуккине асăннă Чăваш Республикин ҫут ҫанталăк министерствин ертӳҫи.  Енчен те ҫĕнĕлĕхсене кĕртсе хăварас пулсан, Чăваш Республикинче ҫӳп-ҫапа ҫĕнĕлле пухса тирпейлеме май паракан  объектсем хута кайĕҫ.  РЭО ППК генеральнăй директорĕн ҫумĕ Алексей Макрушин пĕчĕк комплекссем пачах та тен тумалла маррине каласа хăварнă.  

«Пĕчĕк сортировкăсем хута яни пĕлтерĕшлĕ мар.  Май пулнă таран, ҫӳп-ҫапа суйласа уйăракан объектсем пысăк пулсан, топлива производствишĕн те вырăнлă пулĕҫ вĕсем. Халĕ пур объектсене кирлĕ пек ҫирĕп йĕркесене тивĕҫтерекеннисем туса хурсан лайăх», – тесе каланă вăл.   РЭО пысăк объектсене хута яма яланах витĕм кӳме пултарайрассирне асăннă, уйрăмах республикăри кăнтăр вырăнĕсенче тенĕ сăмаха ҫавăрса.  

Чăваш Республикин Пуҫлăхĕ    йăлари хытă каяшсене пухса тирпейлессипе ҫыхăннă территорисен ҫĕнĕ схеминче тарифсем пирки те пăхса тухма хушнă, халăхран пухăнакан укҫан виҫине пĕчĕклетме май пуррипе ҫуккине тишкерме сĕннĕ.