Министрсен Кабинечĕн членĕсемпе тата федераци ведомствисен территори органĕсен ертÿçисемпе ирттернĕ «планеркăра» Потребитель рынокĕнчи тата алкоголь продукцийĕн çаврăнăшĕпе çыхăннă лару-тăрăва Михаил Игнатьев Президент тепĕр хут тишкернĕ. Суту-илӳ сферинчи ĕç-хĕлпе вице-премьер – экономика аталанăвĕн министрĕ Иван Моторин паллаштарнă, апат-çимĕç хакĕсемпе çыхăннă лару-тăрăва тишкернĕ.  
Президент Администрацийĕн ертӳçи Александр Иванов Президент ячĕпе килекен ыйтусемпе çырусене тишкерни çинчен пĕлтернĕ. Спорт министрĕ Анатолий Николаев Шупашкарта Пăр кермен тăвассипе çыхăннă ĕç çинчен каласа панă. Планеркăра кашни ыйтăвах тĕплĕн тишкернĕ. Каншни ыйтупах тивĕçлĕ йышăнусем туса хăварнă.