Паян Чăваш Ен Президенчĕ Михаил Игнатьев Чулхулара Федерацин Атăлçи округĕн территорийĕнче экстремизмпа кĕрешес ыйтусене сӳтсе явма хутшăннă. Федерацин Атăлçи округне кĕрекен субьектсен ертӳçисемпе вырăна тухса йĕркеленĕ ларăва шалти ĕçсен министрĕ-Ведомствăсен экстремизмпа кĕрешес енĕпе ĕçлекен пĕрлехи комиссĕйĕн председателĕ Рашид Нургалиев ирттернĕ. Ĕç тăвакан влаç органĕсен, вĕрентӳ сферин, вăй тытмĕсен тата тĕрлĕ конфесси представителĕсем экстремизм сĕмлĕхĕ тĕслĕхсемпе çыхăннă лару-тăрăва тĕрĕслес тĕлĕшпе хăйсен сĕнĕвĕсене панă. Право хуралĕн органĕсен, Раççейĕн шалти ĕçсен министрĕн шухăшĕпе, Интернетри информаципе уйрăмах тимлĕ ĕçлемеллине, мĕншĕн тесен экстремизма çывăх шухăшсенчен нумайăшĕ шăпах çак сеть урлă сарăлать.