Паян Чăваш Республикин Президенчĕ çумĕнчи Чăваш Республикинче право йĕркине тивĕçтерес енĕпе ĕçлекен координаци канашĕн ларăвĕ иртнĕ. Унта тĕрлĕ служба ертÿçисем, хуласемпе районсен пуçлăхĕсем хутшăннă. Канашлăвăн тĕп ыйтăвĕ – Раççей Федерацийĕн Патшалăх Думин тата Чăваш Республикин Патшалăх Канашĕн депутачĕсен суйлавĕсене хатĕрленсе ирттерессипе çыхăннă ыйтусене тимлесси пулнă. Чăваш Ен Президенчĕ Хăйĕн сăмахĕнче: «Суйлавăн нимĕнле пăтăрмахсемсĕр, граждансен прависене пăсмасăр, суйлав саккунĕпе килĕшÿллĕн питĕ таса иртмелле», – тесе уйрăммăн палăртса каланă. Пирĕн паянхи тĕллев – республикăра пурăнакансен хăрушсăрлăхне сăнаса тăрасси, халăха пĕтĕмпех тĕрĕссине пĕлтересси», - тенĕ Чăваш Ен Президенчĕ. Культура, вĕренÿ, спорт учрежденийĕсене хăрушсăрлăпа тивĕçтересси çинчен те уйрăммăн каланă. Шалти ĕçсен пайĕсемпе вырăнти хăй тытăмлăх органĕсем пĕр-пĕринпе мĕнлерех хутшăнса ĕçленипе муниципалитетсен пуçлăхĕсем тĕплĕн паллаштарнă. «Эпир тăвакан пур ĕçĕн те халăхсем хушшинчи йĕркелĕхе тытса пыма, çынсен сывлăхне упрама, вĕсене хăрушсăрлăхпа тивĕçтерме пулăшмалла», – тенĕ канашлăва пĕтĕмлетнĕ май Михаил Игнатьев.