Паян республика Президенчĕ ертсе пыракан Чăваш Ен делегацийĕ «Единая Россия» партин XII съездне хутшăнать. Съезд секцийĕсенче Халăх программин проектне пăхса тухаççĕ. «Единая Россия» парти çавнашкал аслă форума çĕр-шыв историйĕнче пуçласа ирттерет. Съездра Раççей Федерацийĕн Президенчĕ Дмитрий Медведев тата парти лидерĕ, Владимир Путин премьер-министр сăмах илĕç. Пысăк шайри форумăн пĕрремĕш кунĕнче çĕр-шыври социаллă пурнăçпа экономика лару-тăрăвне тишкерĕç. Кун йĕркинчи ыйтусемпе Пĕтĕм Раççейри халăх фрончĕн, общество организацийĕсен, партин вырăнти представителĕсем тухса калаçĕç. Ĕçлĕ калаçăва çĕр-шыври паллă çынсем хутшăнаççĕ. Ыран Раççей Федерацийĕн Федераци Пухăвĕн Патшалăх Думин улттăмĕш суйлаври депутат кандидачĕсен списокне тата «Единая Россия» партин суйлавчченхи программине пăхса тухма палăртнă.