2014 çул вĕçĕнче Чăваш Енри кашни çыннăн тенĕ пек эфирти цифрăллă телевидени пăхма май пулать. Пирвайхи оборудованисене (передатчиксемпе антеннăсене) çак çул вĕçĕнчех вырнаçтарма тытăнасшăн.

Пĕрремĕш мультиплекс шутне федераллă 9 телеканал (1-мĕш, “Россия–1”, “Россия–2”, “НТВ”, “5-мĕш канал”, “Россия–К”, “Россия–24”, “Карусель” тата ОРТ), федераллă 3 радиоканал (”Радио России”, “Радио Маяк”, “Вести ФМ”) кĕреççĕ. Пĕр вăхăтрах 2-мĕшпе 3-мĕш мультиплекссене тума тытăнĕç. Республикăра пурăнакансем 20 ытла каналпа усă курма пултарĕç. Республикăра пирвайхисен шутĕнче – Шупашкар, Çĕрпÿ, Канаш хулисемпе пĕрлех Йĕпреçпе Тăвайра та – цифрăллă хатĕрсем вырнаçтарма пăхнă.

Спутник урлă килекен федераллă программăсем çумне регионти каналсен сигналĕсем, гражданла оборонăпа чрезвычайлă лару-тăру çинчен пĕлтермелли сигналсем, реклама хушăнма пултараççĕ.

Цифрăллă телевидени сигналĕсене йышăнма ДVВ–Т2 декодерлă телевизорсем е Set–Top–Box приставка кирлĕ.