Ҫеçпěл Мишши музейне Канаш районěнчи «Ҫеçпěл çеçки» ача сачӗнчи икӗ ушкӑн  килсе курчě. Музей ěçченěсем вěсене хапǎл туса кěтсе илчěç. Экскурсовод Ирина Егорова ǎнланмалла чěлхепе  Ҫеçпěл Мишши пурнǎçěпе ěçě-хěлě ҫинчен каласа панине тимлěн итлерěç ачасем. Музейра хальччен курман япаласемпе, ěлěкхи ěç хатěрсемпе паллашрěç. Экскурси хыççǎн Ҫеçпěл Мишши  çырнӑ сӑвӑсене килес çулхи уяв валли вӗренме сӑмах пачӗç.