Чăваш Республикин Пуçлăхĕ Михаил Игнатьев ĕнер Министрсен Кабинечĕн членĕсемпе, федераци ведомствисен территори органĕсен тата муниципалитет йĕркеленĕвĕсен ертÿçисемпе канашлу ирттернĕ.
Чăваш Республикин экономика аталанăвĕн, промышленноç тата суту-илÿ министрĕ Алексей Табаков Чăваш Республикин 2011 çулхи социаллă пурнăçĕпе экономика аталанăвĕн малтанхи пĕтĕмлетĕвĕпе паллаштарнă. Министр тĕп макроэкономика кăтартăвĕсем ÿснине палăртнă. Сăмахран, промышленноç производствин, ял хуçалăх продукцийĕ туса илессин, тĕп капитала инвестици хывассин, халăха тÿлевлĕ пулăшу парассин тата строительствăн индексĕ Раççей Федерацийĕн вăтам кăтартăвĕнчен пысăкрах. Промышленноç производствин индексĕ пĕлтĕр 113,5), вăл шутра – тирпейлекен производствăра 115,5) танлашнă. Федерацин Атăлçи округĕнчи регионсен хушшинче промышленноç производствин пĕтĕмĕшле индексĕпе тата тирпейлекен производство кăтартăвĕсемпе Чăваш Республики иккĕмĕш вырăн йышăннă.
2011 çулта ял хуçалăхĕн мĕн пур категорири предприятийĕсем 36,7 млрд тенкĕлĕх продукци туса кăларнă. Республикăн тĕп капиталне финансламалли пур çăл куçран 55,5 млрд тенкĕ инвестици хывнă е 2010 çулхипе танлаштарсан – 115,3). "Çапла тума республикăн инвестици илĕртÿлĕхĕ, инвесторсем валли лайăх условисем туни, çавăнпа пĕрлех обществăпа инженери инфратытăмăн аталанăвне самаях укçа хывни пулăшрĕ", – тенĕ министр. 2011 çулта шутласа панă вăтам шалу 14775 тенкĕ пулнă, унчченхи çулхинчен 13,6), чăн ĕç укçи 4,4) ÿснĕ ŸРаççейре – 3,5)/.
ГКЧСăн Чăваш Енри комитечĕн пуçлăхĕ Юрий Кекиш халăхăн хĕллехи тапхăрти пурнăçĕпе ĕç-хĕлĕн хăрушсăрлăхне тивĕçтерекен мероприятисене пурнăçланипе паллаштарнă. Республикăри юр ытти çулхи вăтам кăтартуран 30-55 см хулăнрах. Пурăнмалли çурт-йĕрпе коммуналлă хуçалăх объекчĕсенче пĕлтĕрхи раштав уйăхĕнченпе кăçалхи нарăсăн 9-мĕшĕччен авариллĕ 22 лару-тăру пулнă. "Чулхула–Ĕпхÿ" автомобиль магистралĕн управленийĕ" ФКУ тата "Чăвашавтодор" АУО ĕç-хĕлне ырăпа палăртмалла. Вĕсем хĕлĕпех федераци тата республика пĕлтерĕшлĕ, вырăнсенчи çулсене юртан вăхăтра тасатса тăнипе транспорта çула тухма чăрмав пулман. 125 пушар тухнă. Вĕсен тĕп сăлтавĕ – килти электрохатĕрсемпе усă курнă чухне пушар хăрушсăрлăхĕн правилисене пăхăнманни. Çурхи ейĕве илес тĕк, Юрий Кекиш шухăшĕпе – республикăри юхан шывсем ака уйăхĕнче "вăранмалла", шыв шайĕ нормăран иртмелле мар.
Чăваш Республикин физкультурăпа спорт тата туризм министрĕ Анатолий Николаев "Раççей йĕлтĕр йĕрĕ–2012" массăллă спорт уявне ирттерни, унта 38 пин ытла çын хутшăнни, сывă пурнăç йĕркине пăхăнакан 8,5 пин çын спорт керменĕсенче сывлăхне çирĕплетни çинчен каланă. Сивĕ çанталăка пула Улатăрпа Çĕмĕрле районĕсем çак тупăшăва ирттерессине каярах вăхăта куçарнă. Чăваш Ен Пуçлăхĕ спортăн çакăн евĕрлĕ ăмăртăвĕсем çынра чăтăмлăха, чун çирĕплĕхне çирĕплетнине, вăйлă çын пулма пулăшнине палăртнă.