«Ĕç ветеранĕсем» йышланаççĕ
Шупашкар районĕнче «Чăваш Республикин ĕç ветеранĕ» удостоверенисем парасси малалла пырать. 2012 çулхи январĕн 1-мĕшĕнче йышăннă Указ тăрăх, хĕрарăмсен ĕç стажĕ – 40, арçынсен – 45 çултан кая мар пулсан çак наградăна илме пултараççĕ. Законпа килĕшÿллĕн ĕç ветеранĕсем кашни уйăхра 980 тенкĕ тата çыхăну меслечĕпе усă курнăшăн 50% компенсаци илме тивĕçлĕ. Паянхи кун тĕлне Шупашкар районĕнче пурăнакан 486 çынна «Ĕç ветеранĕ» ята панă.