«Туслăх хĕлхемĕ» республика фестивалне йыхравлатпăр
Ака уйăхĕн 20-мĕшĕнче Чăваш Республикин вĕренÿ институтĕнче чăваш чĕлхине кăмăллакансем, хула тата район шайĕче çĕнтерсе мала тухнă вĕренекенсем «Туслăх хĕлхемĕ» республика фестивальне пуçтарăнаççĕ. Мероприяти 9.00 сехетре пуçланать.
Фестиваль виçĕ номинаципе иртет:
- наци шкулĕнче вĕренекен ачасен «Чăвашлăх тĕнчи» мультимеди презентаци конкурсĕ;
- вырăс шкулĕнче вĕренекен ачасем валли чăваш чĕлхипе, литературипе тата культурипе ирттерекен «Çăлтăрчăк» вăйă конкурс;
- «Шевле – 2012» - Раççей космонавтикин çулталăкне халалланă, «Инçетри планетăсен тусанлă сукмакĕсем çинче юлĕç пирĕн йĕрсем…» девизпа ирттерекен ÿнер ăсталăхĕн конкурсĕ.
Фестиваль тĕллевĕ - шкул ачисен чăваш чĕлхипе литературине вĕренес кăмăлне çĕклесси, чăваш чĕлхине тĕпчес енĕпе пултаруллă ачасене тупса палăртасси.>>>