Чăваш Ен Пуçлăхĕ Михаил Игнатьев Федеративлă Эфиопи Демократи Республикин Раççей Федерацийĕнчи Чрезвычайлă тата полномочиллĕ посолне Касахун Дендер Мелесене йышăннă. Тĕл пулура Чăваш Енпе Эфиопи суту-илÿпе экономика енĕпе килĕштерсе ĕçлес ыйтусене сÿтсе явнă. Икĕ енĕн пĕрешкелли нумай. Калăпăр, экономикăра аграри секторĕн пĕлтерĕшĕ пысăк. Çитес 5 çул хушшинче Эфиопи ял хуçалăх продукцийĕ туса илессине икĕ хут пысăклатасшăн. “Чăваш Енĕн ял хуçалăхĕнче çĕнĕ технологисемпе усă курмалли опыт пысăк, эпир унпа усă курасшăн”, - тенĕ посол. Эфиопи енĕ Чăваш Енĕн Суту-илÿ­­пе промышленноç палатипе, вырăнти аслă шкулсемпе алла-аллăн ĕçлесшĕн. Михаил Игнатьев хăнана рес­пуб­­ликăна килнĕшĕн тав тунă, Чăваш Ен малашлăхлă уйрăм про­ектсемпе пĕрле ĕçлеме хатĕррине палăртнă.