Пулăшу - федераци бюджетĕнчен
Кĕçнерни кун Мускавра Чăваш Ен Пуçлăхĕ Михаил Игнатьев Раççей финанс министрĕпе Антон Силуановпа курнăçнă. Ĕçлĕ тĕл пулура патшалăх политикин Раççей Президенчĕн Владимир Путинăн 2012 çулхи çу уйăхĕн 7-мĕшĕнче кăларнă указĕсенче палăртнă çул-йĕрĕсене пурнăçлас ыйтусене сÿтсе явнă.
Калăпăр, Чăваш Республикине бюджет сферин ĕçченĕсен шалăвне ÿстерме 480 млн тенкĕ бюджет кредичĕ парасси пирки килĕшсе татăлнă.
Çавăн пекех çĕр-шыв ертÿçи хушнипе килĕшÿллĕн Раççей Финминĕ республикăри культурăпа спорт объекчĕсене федерацин инвестици программисене кĕртес енĕпе пулăшу кÿрĕ.
М.АНДРЕЕВ