Ялта пурăнакансем 2010 çулхи типпе халĕ те лайăх ас тăваççĕ. Кашни килте тенĕ пек çăл, анчах вĕсенче шыв çук. «Çав çулхине çăлсемпе пĕвесем типсе ларчĕç», – теççĕ халĕ иртнине аса илсе ял çыннисем. Шыв ыйтăвĕ çивĕч тăнăран федераци, республика тата вырăнти бюджетран шыв пăрăхĕсене хума 14 миллион тенкĕ ытла уйăрнă. Проектпа килĕшÿллĕн Элĕкри 3 çĕнĕ урама тата Асамат ялне шывпа тивĕçтерĕç. Ĕçсем вĕçленсе пыраççĕ. Халĕ урамсене тирпей-илем кĕртеççĕ тата çăл алтаççĕ. Колонкăсенчен шыв вара çитес çул юхма пуçлĕ.