Чӳк уйăхĕн 12-мĕшĕнче Чăваш Республикин Пуçлăхĕ Михаил Игнатьев Каçал Ен районĕнче ĕçлĕ çул çӳревре пулнă. Каçал Ен салинче республика Пуçлăхĕ 145  ачана вырнаçтармаллăх «Асамат кĕперĕ» 3№-лĕ ача садне хута янă ятпа ирттернĕ пулăма хутшăннă. Палăртнă объекта Чăваш Республикинче 2011-2020 çулсенче шкул çулне çитмен ачасене валли учрежденисем хута ярассин программипе килĕшӳллĕн пурнăçа кĕртнĕ.  Асăннă объекта çĕклесе лартма 86 млн. тенкĕллĕх бюджет укçи-тенкине тăкакланă. Ача садне хута яни Каçал Ен районĕнче виçĕ çултан пуçласа пепкесене черете ача садне тăратас ыйтăва пĕтĕмпех татса пама май панă. Михаил Игнатьев ача садне уçнă ятпа пухăннă çынсене саламланă, Чăваш Енре кăçалхи çул хăпартса лартнă ача сачĕ  ку объект 5-мĕш пулнине асăннă. Çулталăк вĕçленĕ тĕле тата та çакăн йышши 6 хальхи пурнăçпа килĕшсе тăракан ача сачĕсем хута яма палăртни çинчен хыпара пĕлтернĕ. Çитес çулсенче те ĕçе малалла тăсасси пирки каласа хăварнă. Республика Пуçлăхĕ ачасене воспитани парас ĕçре витĕм кӳме кунта пĕтĕмпех мĕн кирли хатĕрсем çителĕклĕ таран пулнине палăртнă. Кĕвĕ, кĕлетке-çурăма хускану тутарма мĕн пур услови пĕтĕмпех пуррине каланă. Чăваш Республикин Пуçлăхĕн хушăвĕпе килĕшӳллĕн ача садне хута ярассинче лайăх ĕçлесе пынăшăн «Стройсервис» акционерсен хупă пĕрлешĕвĕн генеральнăй директорĕпе Фанис Рахимзяновпа «Арка» ООО тĕп инженерне Рустям Шарафутдинова Тав çырăвне парса хавхалантарнă. Район çыннисене социаллă пĕлтерĕшлĕ объекта уçнă ятпа Чăваш Республикин вĕренӳ тата çамрăксен политикин министрĕ Владимир Иванов, Патшалăх Канашĕн Социаллă политика тата наци ыйтăвĕсем енĕпе ĕçлекен комитечĕн Председателĕ Петр Краснов, Чăваш Республикин Патшалăх Канашĕн депутачĕ Кияметдин Мифтахутдинов саламланă. Михаил Игнатьев Ял хуҫалӑхӗпе тирпейлекен промышленность ӗҫченӗн куннӗ ячӗпе халалласа культура çуртĕнче ирттернĕ уява хутшăннă. Каçал Ен районĕнчи ял хуçалăх ĕçĕсен 2013 çул ĕçĕн кăтартăвĕсем çинчен район администрацийĕн пуçлăхĕ Михаил Афанасьев тĕплĕн паллаштарнă. Чăваш Ен Пуçлăхĕ ял ĕçченĕсене саламланă май, вĕсен хастар ӗҫӗ, ҫанталӑк условийӗсем чӑрмав кӳнине пӑхмасӑрах çав-çавах пархатарлă пулнине, аграри секторĕ республика экономикишĕн ятарлă  уйрăм вырăн йышăннине асăннă. Патшалӑх паракан пулӑшу ял хуҫалӑх продукцийӗн калӑпӑшне, ӗҫ тухӑҫлӑхне ӳстерме майсем туса панине, ҫакӑ, паллах,  ял халӑхӗн пурнӑҫне тулӑхлӑрах тума пулăшнине палăртнă. Кăçалхи çул çеç патшалăх пулăшăвĕпе Чăваш Енĕн аграри секторĕ 2,2 млрд тенкĕллĕх пулăшупа усă курнине палăртнă. Михаил Игнатьев Каçал Ен çыннисене хăйсен ĕçне юратса пурнăçласа пынине кура, вĕсене малашнехи ĕçре, социаллă экономика аталанăвне вăйлăрах аталанма май панине каланă. Вăл çавăн пекех 2014 çулта Республика кунĕн тĕп уявне ирттерме Каçал Ен районĕ тивĕçлĕ пулнине каланă. Республикăн тĕп уявне кирлĕ пе пысăк шайра ирттерме сĕннĕ. «Тавралăха тирпей-илем кĕртме хушма укçа-тенкĕ уйăрăпăр, анчах та кунта пурăнакансен кашни çыннăн хăйĕн тӳпине хывма тăрăшмалла, енчен те тăван тăрăх илемлĕрен те илемлĕрех курăнтăр тесен», - палăртнă Михаил Игнатьев. Уявра производствăра уйрăммăн палăрнисене Чăваш Республикин Ял хуçалăх  министерствин Хисеп хучĕсене, Тав çырăвĕпе республика символикĕллĕ сехете парса чысланă. Уявра ял хуçалăх таварĕсенчен йĕркеленĕ курава пăхса çаврăннă хыççăн тата та ытларах экологи енчен таса çимĕçе «Чăвашсен биопродукчĕ» бренд ятпа  малалла яма сĕннĕ. Тĕплĕнрех