Сĕнтĕрвăрри районĕ: демографи тĕкĕрĕ
Кăçалхи юпа уйăхĕнче Сĕнтĕрвăрри район администрацийĕн ЗАГС пайĕ граждансем çинчен 70 акт çырнă. Çав шутра çуралнă ачасемпе вилнĕ çынсен хисепĕ пĕрешкел пулнă - 23. Иртнĕ уйăхра кун çути курнă пепкесенчен арçын ачасем ытларах – 14. Хулара 9 ача çуралнă. Юпа уйăхĕнчи пепкесене ытларах çакăн пек ятсем панă, Максим, Валерия, Виктория. Сайра тĕл пулакан ятсем те пур,Даниэла, Григорий, Ярослав, Платон.
11 ача çемьере пĕрремĕш, 8 ача – иккĕмĕш, 4 ача – виççĕмĕш пулнă.
Юпа уйăхĕнче 12 çĕнĕ мăшăра регистрациленĕ, 7 мăшăр уйрăлнă. Ашшĕлĕхне палăртакан 5 акт çырнă.
Граждансен заявленийĕсем тăрăх 11 акта тÿрлетÿсемпе улшăнусем кĕртнĕ. 26 çынна патшалăх регистрацийĕ çинчен свидетельствăсем çĕнĕрен çырса панă, справкăсен мĕнпур хисепĕ вара 151 пулнă.
Л. МИХАЙЛОВА.