Чăваш Республикин Пуçлăхĕ Михаил Игнатьев Раҫҫей Федерацийӗн налук органӗсен ӗҫченӗн кунӗ ячӗпе саламлани
Налук службин хисеплӗ ӗҫченӗсем тата ветеранӗсем!
Сире Раҫҫей Федерацийӗн налук органӗсен ӗҫченӗн кунӗ ячӗпе саламлатӑп!
Эсир пысӑк ӑсталӑхпа тата тулли яваплӑхпа тӑвакан ӗҫ мӗн пур шайри бюджетсене тата патшалӑхӑн бюджет тулашӗнчи фончӗсене налуксемпе пуҫтарусем ҫирӗп йӗркепе кӗрсе тӑрассине тивӗҫтерет, апла пулсан власть органӗсен республикӑна экономика тӗлӗшӗнчен аталантарас тата унта пурӑнакан ҫынсен пурнӑҫ тулӑхлӑхне ӳстерес тӗллевӗсем ӑнӑҫлӑн пурнӑҫланасси те ытларах чухне унран килет.
Хальхи йышши информаци технологийӗсене, электронлӑ тытӑмсене ӗҫе кӗртни налук тӳлекенсене паракан пулӑшӑвӑн пахалӑхне ӳстерме тата налук службин ӗҫне тухӑҫлӑрах тума пулӑшать. 2013 ҫулхи кӑрлач-авӑн уйӑхӗсенче налукран кӗрекен тупӑшсем 7,5 процент, вырӑнти бюджетсен тупӑшӗсем вара – 8,1 процент чухлӗ ӳсрӗҫ. Ҫак кӑтартусене экономика ӳсӗмӗ кӑна мар, налук органӗсен сотрудникӗсен ӗҫченлӗхӗ, вӗсем тивӗҫе парӑнни тата принциплӑ пулни те тума май пачӗҫ.
Сире хастарлӑн пурнӑҫлакан ӗҫӗршӗн чунтан тав тӑватӑп. Ҫирӗп сывлӑх, ырӑ шанӑҫ, телей тата ырлӑх сунатӑп.
Чӑваш Республикин Пуҫлӑхӗ М.Игнатьев