Раççей Федерацин хӑрушсӑрлӑх службин ӗҫченӗсен кунне халалласа торжествăлла майпа пуху иртнĕ
Раштав уйăхĕн 20-мĕшĕнче Чăваш Республикин Пуçлăхĕ Михаил Игнатьев Раççей Федерацин хӑрушсӑрлӑх службин ӗҫченӗсен кунне халалласа торжествăлла майпа ирттернĕ пухăва хутшăннă. Хăйĕн салам сăмахĕнче Михаил Игнатьев Федерацин хӑрушсӑрлӑх службин ӗҫченӗсем Тӑван ҫӗр-шыва тивĕçлипех хӳтĕленине, Чăваш Енĕн обществӑри социаллӑ-политикӑлла стабильлӗхе тата Раҫҫейӗн кирек хӑш кӗтесӗнчех кашни ҫыннӑн хӑрушсӑрлӑхне тивӗҫтерес енӗпе пархатарлӑ ӗҫ тунине палăртнă. «Эсир терроризмпа тата экстремизмпа кӗрешес енӗпе малти ретре тӑратӑр, коррупципе тата каварлашса преступлени тӑвассипе пыракан кӗрешӳри ҫитӗнӳ те ытларах сирӗн ӗҫ-хӗлрен килет. Ушкăнпа тăвакан преступление чарас ĕçре те курăмлăн ĕçлесе пыни куç кĕретех. Эпĕ нимĕн иккеленмесĕрех палăртма пултаратăп, тăнăçлăх пĕр тĕллевпе çирĕпленсе тата упранса пырать, чăваш çĕрĕ çинче пурăнакан республикăри кашни çын е тата Раççей Федерацийĕн пур гражданĕ те ыранхи куна яланах шанса пурăнчĕр», - тесе палăртнă Михаил Игнатьев. Мухтавлӑ ӗҫшӗн, хастарлӑхшӑн, тивӗҫе парӑннӑшӑн тата тӑнӑҫлӑхпа килӗшӳлӗхе сыхласа хӑварас ӗҫри ҫирӗплӗхшӗн ветерансене тав тунă, Федерацин хăрушсăрлăх службин Чăваш Республикинчи управленийĕн çар служащийĕсене ĕçре хастар тата уйрăммăн палăрнишӗн Тав çырăвĕ тата сехет парса чыс тунă. Тĕплĕнрех