Раштав уйăхĕн 23-мĕшĕнче Чăваш Республикин Пуçлăхĕ Михаил Игнатьев Мускавра ĕçлĕ çул-çӳревпе пулнă. Пуçлăх Раççей Федерацийĕн Патшалăх канашĕпе РФ Президенчĕ çумĕнчи социаллă экономика аталанăвĕн тĕллевлĕ кăтартăвĕсене пăхса тăракан комисси ларăвĕн ĕçне хутшăннă. Асăннă мероприятие Раççей Федерацийĕн Президенчĕ Владимир Путин йĕркелесе ертсе пынă. Ларура социаллă политика пĕлтерĕшлĕ Президент кăларнă указсем пурнăçа епле кĕрсе пынин ыйтăвĕсене пăхса тухнă.

Владимир Путин 2013 çул кăтартăвĕсене пĕтĕмлетнĕ. Вăл палăртнă тăрăх, федераци тата регион шайĕнчи влаçсем асăннă ыйтусемпе кирлĕ пек ĕçлесе пынине каланă. Çав-çавах хăш-пĕр енĕпе йывăрлăхсем юлаççĕ-ха. Раççей Президенчĕ влаç органĕсемпе трлĕ обществăлла тĕрĕслев ушкăнĕсене пĕр-пĕринпе килĕшсе, кашни ыйтупа вăхăтĕнчех ĕçлеме хушнă. Журналистсен ыйтăвĕсне хуравланă май, Чăваш Ен Пуçлăхĕ Михаил Игнатьев Чăваш Енре Раççей Федераци Президенчĕ кăларнă указсем еплерех пурнăçа кĕрсе пынипе паллаштарнă. «Пурĕ çул йĕр карттисемпе 9 енпе ĕçлесе пыни çинчен пĕлтернĕ. Вĕсемпе кашнинпех утăм хыççăн утăм туса кирлĕ пек пурнăçлама тăрăшнине каланă. РФ Президенчĕн Контроль управленийĕн тĕрĕслевĕнче 37 хушу пулнă, вĕсенчен 17-шне паянхи куна пурнăçланă та», - тесе палăртнă хăйĕн сăмахĕнче Михаил Игнатьев. Малашне те пирĕн ума лартнă ыйтусене туллин пурнăçласси пирки шантарсах каланă. Пурăнма юрăхсăра тухнă çуртсенчен лайăх çуртсене çынсене куçарас ыйту та кулленхи тĕллевсенчен пĕри шутланса тăнине асăннă. Тĕплĕнрех