Чăваш Республикин Пуçлăхĕ Михаил Игнатьев Чӑваш Енӗн ҫӑлав службин ӗҫченӗсен кунӗ ячӗпе саламлани
Чӑваш Енӗн ҫӑлав службин хисеплӗ ӗҫченӗсем тата ветеранӗсем!
Сире професси уявӗ ячӗпе чун-чӗререн саламлатӑп!
Эсир ҫӗр ҫинче пуринчен те хаклине – ҫын пурнӑҫне – ҫӑлса хӑварассипе ҫыхӑннӑ пархатарлӑ миссие хӑш чухне хӑвӑр ума тухса тӑракан пысӑк хӑрушлӑхсене те шута илмесӗр пурнӑҫлатӑр. Майсӑр лару-тӑрура – пушарта, шыв ҫинчи инкекре, аварире, ҫурт ишӗлчӗкӗсен вырӑнӗнче тата ытти пысӑк инкек пулнӑ ҫӗрте эсир чи малтан пулӑшу паратӑр.
Ҫӑлав службисен кал-кал пурнӑҫлакан ӗҫне пула кӑҫал кӑна 1900 ытла ҫын пурнӑҫне ҫӑлнӑ. Пушарта 536 миллион тенкӗлӗх таварпа пурлӑха упраса хӑварнӑ.
Хӑюлӑхпа паттӑрлӑх, тимлӗх тата ҫын нушине ҫывӑха илни – аварипе ҫӑлав тата пушар хуралӗн службинче, Чӑваш Енри халӑха гражданла хӳтлӗх парас сферӑри ятарлӑ ытти ушкӑнра вӑй хуракансен тӗп пахалӑхӗсем пулса тӑраҫҫӗ, вӗсене хӑйсен професси тивӗҫне малашне те ҫӳллӗ шайра пурнӑҫлама пулӑшса пыраҫҫӗ.
Тӳрӗ кӑмӑлпа тӑвакан ӗҫӗршӗн, чӑтӑмлӑ пулнӑшӑн тата тивӗҫе парӑннӑшӑн чунтан тав тӑватӑп. Ҫирӗп сывлӑх, ырлӑхпа телей тата кӑткӑс та яваплӑ ӗҫӗрте ҫитӗнӳсем сунатӑп!
Чӑваш Республикин Пҫлӑхӗ М.Игнатьев.