Вăрмар поселокĕнчи хоккей площадкинче Вăрмар тата Тăвай районĕсен хоккей командисем хушшинче юлташла ăмăрту иртнĕ. Матч 5:5 шутпа вĕçленнĕ. Буллит енĕпе вара Вăрмарсем кÿршĕсене парăнтарма пултарнă, 2:1 шутпа çĕнтернĕ. Февралĕн 14-15-мĕшĕсенче Йĕпреçре Республикăри ял тăрăхĕсем хушшинче ирттерекен хĕллехи VI-мĕш вăйăсем умĕн тунă çитĕнÿ Вăрмарсене хоккей енĕпе ăнăçу тума май парать.