Раççей ял хуçалăх министерствипе Чăваш Республикин Министрсен Кабинечĕ хăйсем хушшинче тунă 2013 çулта ял хуçалăх производствине пулăшса субсидисемпе тивĕçтермелли Килĕшĕве пурнăçа кĕртсе, Чăваш Ен 2013 çулхи мартăн 22-мĕшĕнче Раççейре малтисен шутĕнче ял хуçалăх организацийĕсемпе хресчен (фермер) хуçалăхĕсене субсидисем пама федераци бюджетĕнчен укçа-тенкĕн пĕрремĕш траншне – 556,7 млн. тенкĕ илнĕ. Субсидисене çак тĕп енсемпе уйăрса панă:

–инвестици кредичĕсен процент тÿлевĕсен тăкакĕсен пĕр пайне саплаштарма – 194,5 млн. тенкĕ;

–хуçалăх ĕçĕн вак формисене аталантарма илнĕ кредитсен процент тÿлевĕсен тăкакĕсен пĕр пайне саплаштарма – 200,0 млн. тенкĕ;

–ăратлă выльăхсем туянма тухнă тăкаксен пĕр пайне саплаштарма – 38,3 млн. тенкĕ;

–1 литр сĕт туса илме тата реализацилеме тухнă тăкаксен пĕр пайне саплаштарма – – 37,2 млн. тенкĕ;

–ÿсен-тăран ÿстерес тĕлĕшпе ял хуçалăхĕнче тавар туса илекенсене паракан субсиди – 86,7 млн. тенкĕ.

Хальхи вăхăтра Чăваш Ен ял хуçалăх министерстви федераци бюджетĕнчен субсидисем илекенсен реестрĕсене туса хатĕрлес тата килĕшсе татăлас ĕçсене тĕпрен илсен вĕçленĕ. Укçа-тенкĕ ял хуçалăх организацийĕсен счечĕсем çине çак эрне вĕçнелле пырса кĕмелле.

Унсăр пуçне Чăваш Енре ял хуçалăх таварĕсем туса илекенсене ку вăхăт тĕлне республика бюджетĕнчен ăратлă выльăх-чĕрлĕх ĕрчетес ĕçе пулăшма 5,7 млн. тенкĕ, кредитсен процентсен ставкисене тÿлеме – 22,5 млн. тенкĕ, агрохими ĕçĕсене пурнăçланин тăкакĕсен пĕр пайне саплаштарма 26,6 млн. тенкĕ, мелиораци техники туянма 763,3 пин тенкĕ субсидисем тÿленĕ. (Тăвай районĕ хатĕрленĕ)