Райадминистрацин ял хуçалăхĕпе çĕр хутшăнăвĕсен пайĕнчен пĕлтернĕ тăрăх, çурхи тĕш тырăпа пăрçа йышши культурăсене пурĕ 11 пин те 763 гектар çинче акмалла пулсан, майăн 14-мĕшĕ тĕлне 10 пин те 138 гектар çинче акса хăварнă (86,2 процент). Ку енĕпе «Иванов В.А.» хресчен (фермер) хуçалăхĕ малтисен ретĕнче. Хуçалăхра пĕрчĕллĕ тата пăрçа йышши культурăсене 2 пин те 065 гектар çинче акса пĕтернĕ те. Çавăн пекех «Урмарская» ăратлă кайăк-кĕшĕк фабрики» акционерсен уçă обществи - 920, «Шигали» ЯХПК - 1000, «Ямуков Г.Н.» - 920, «Сапаркин А.Г.» - 650, «Вăтам Энĕш» хуçалăхра 940 гектар акса хăварнă. Хуçалăхсенче «иккĕмĕш çăкăра» лартас ĕç кал-кал пырать. Çĕр улми районĕпе 1 пин те 509 гектар лартмалла пулсан - 279 гектар (18 процент) лартнă. Çак ĕç «Ямуков Г.Н.» хресчен (фермер) хуçалăхĕнче уйрăмах аван пырать. Унсăр пуçне хăмлан тĕп тымарĕсене 24 гектар (100 процент) çинче касса пĕтернĕ.