Тăвай районĕ: çамрăксен çĕнтерĕвĕсем
Хăвăрт утассипе Раççейре мала тухассишĕн пынă ăмăртура 16–17 çулхи хĕрсем хушшинче “Олимпийский” стадионри 5 километрлă дистанцире Челябинскри спорт шкулĕн воспитанници, халĕ В.Чегин ячĕллĕ Олимп хатĕрленĕвĕн Центрĕнчи Ольга Шаргина çĕнтернĕ. Вăл Чăваш Ен спортсменкинчен Клавдия Афанасьеваран 2 çеккунт маларах çитнĕ. Олимп резервĕн училищинче вĕренекен спорт мастерĕн нормисене пурнăçланă Надежда Мокеева (Тушкилти вăтам шкултан) финишра виççĕмĕш пулнă.