Çĕртме уйăхĕн 25-мĕшĕнче Чăваш Республикин Пуçлăхĕ Михаил Игнатьев Болгари Республикин   Раççей Федерацийĕнчи Чрезвычайлă тата Полномочиллĕ Посолĕн Бойко Коцев господинпа ĕçлĕ тĕл пулу ирттернĕ. Сумлă хăна Чăваш Ене икĕ кунлăх ĕçпе килнĕ.  Посол Михаил Игнатьева тата Чăваш Енре пурăнакан мĕн пур çынна  Республика кунĕпе саламланă, Болгарипе чăвашсем хушшинче ĕлĕкренпех  йăх-тымар истори тĕлĕшĕнчен  тачă çыхăну пуррине палăртнă.  Кăçал пăлхарсем вырăссемпе Турци вăрçин вăхăтĕнче (1877-1878ç.) осман пусмăрĕнчен хăтăлнăранпа 135 çул çитнине палăртнă. Бойко Коцев Михаил Игнатьева «Самар хĕресĕ» асăну паллине парса чысланă. Михаил Игнатьев Чăваш халăхĕн йăли-йĕркине сума сунăшăн тав тунă. «Пирĕн нумай ĕмĕрсем хушшинчи истори паллă пулăмсемпе, аслă çынсемпе пуян. Хальхи пурнăçра интеграци, глобализаци тапхăрĕнче, наци культурин пахалăхне сыхласа хăварассишĕн тăрăшмалла. Вăсене пула çитĕнекен ăрусен паттăрлăх туйăмĕ çуралĕ. Хамăрăн çĕр-шывшăн яваплăха туйма вĕренĕç. Харпăр хăй  патне те, ытти çынсем патне те тараватлăрах пулĕç», - тенĕ республика Пуçлăхĕ.   Болгарин Черезвычайлă тата Полномочиллĕ Посолне чăвашсен наци тумĕн пĕр пайне – ум çыххине парса чыс тунă. Тĕл пулу самантĕнче фармакологин, çурт-йĕр строительствин, ял хуçалăх техникисене калăпласа вĕсене Евросоюз територрийĕсенче вырнаçтарассин ыйтăвĕсене сӳтсе явнă. Ытларах Посол туристсен çыхăнăвĕ çине тимлĕх уйăрнă. Малашне икĕ республика хушшинчи килĕшĕве анлăлатассин ыйтăвĕсене те тишкернĕ. Икĕ кунлăх ĕçпе килнĕ пысăк хăна «НПП «Экра» ООО, «Акконд» ОАО, «Завод игрового спортивного оборудования» ЗАО тата Шупашкар районĕнче «Долина Удачи» объектăн пĕрремĕш кирпĕчне хунă савăнăçлă пулăмне хутшăнма, унсăр пуçне Шупашкар епархийĕн митрополичĕпе Варнавăпа, хула пуçлăхĕпе Леонид Черкесовпа курнăçма  палăртса хунă.  Тĕплĕнрех