Шăхаль ялĕнче çуралса ÿснĕ,Тăван çĕршывăн Аслă вăрçинче пуçне хунă салтакăн тăлăх арăмĕ, «Ĕç ветеранĕ» ята тивĕçнĕ А.Иванова çак кунсенче 100 çул тултарчĕ. Ĕмĕр тăршшĕпех вăл тăван хуçалăхра вăй хунă, 4 ача çитĕнтерсе пурнăçăн анлă çулĕ çине тăратнă. Унăн 12 мăнук, 21 кĕçĕн мăнук, кĕçĕн мăнукĕсен 4 ачи. Çак паллă кунпа ăна РФ Президенчĕн В.Путинăн, Вăрмар район администрацийĕн пуçлăхĕн К.Никитинăн саламлă çырăвĕсене Шăхаль ял тăрăхĕн пуçлăхĕ А.Семенов вуласа панă, Анна Ивановнăна сывлăх, канлĕ ватлăх суннă.