Раççей Федерацийĕн Правительстви ĕç тăвакан власть органĕсен халăха патшалăх пулăшăвĕ парассине электронлă майпа пурнăçласси чи пирвайхи тĕллев пулса тăнине палăртрĕ. Çавна май ЗАГС органĕсем те граждансен акчĕсен архив фондне электрон йĕркипе çырса пыраççĕ.

Райадминистрацин ЗАГС пайĕ те хăйĕн ĕçне çĕнĕлле, электронлă майпа йĕркелерĕ. Хальхи вăхăтра архивра 1950 çултанпа çырса пынă 75837 акт упранать. Кăçалхи 5 уйăхра 18425 актне электрон çине куçартăмăр. 2013 çулхи январь-май уйăхĕсенче 1949-1959 çулсенчи актсене компьютера кĕртрĕмĕр. Электрон банкĕ пирĕн ĕçе самаях çăмăллатрĕ: вăхăт та ытлашши каймасть, темиçе çеккунтрах тĕрĕс пĕтĕмлетÿсем тума пулать. (Элĕк районĕ)