Пир-авӑрпа ҫӑмӑл промышленноҫӑн хисеплӗ ӗҫченӗсем тата  ветеранӗсем!

 Сире професси уявӗ ячӗпе чун-чӗререн саламлатӑп!

Чӑваш Ен ҫӑмӑл промышленноҫӗн традицийӗсем мухтавлӑ та пуян кун-ҫуллӑ. Отрасль предприятийӗсем продукци ассортиментне анлӑлатма, производство технологийӗсене лайӑхлатма тата хӑйсем туса кӑларакан таварсен пахалӑхне ӳстерме тӑрӑшнипе палӑрса тӑраҫҫӗ. Лайӑхах мар лару-тӑрура та вӗсен ӗҫӗнче ырӑ улшӑнусем пулса иртеҫҫӗ – оборудовани ҫӗнелет, производство хӑвачӗсем ҫӗнӗлле йӗркеленеҫҫӗ, инвестици проекчӗсем пурнӑҫланаҫҫӗ.

Пир-авӑрпа ҫӑмӑл промышленноҫ организацийӗсен ӗҫченӗсем, йывӑрлӑхсене пӑхмасӑр, хӑйсен умӗнче тӑракан задачӑсене ӑнӑҫлӑн татса парасси пирки иккӗленместӗп.   

Отрасль ветеранӗсене республика ырлӑхӗшӗн нумай ҫул  ырми-канми тӑрӑшса ӗҫленӗшӗн тата ҫамрӑксене воспитани парас енӗпе тӑвакан пархатарлӑ ӗҫӗшӗн тав тӑватӑп.

Сире пӗтӗм чунтан ҫирӗп сывлӑх,  ӗҫре ҫитӗнӳсем, телей тата ырлӑх сунатӑп.

  Чӑваш Республикин Пуҫлӑхӗ                                                                                   М.Игнатьев