Вăрмансене ирĕккĕн кĕме чарнă
Шăрăх çанталăк тăнăран вăрманта пушар тухас хăрушлăх палăрмаллах пысăкланчĕ. Республикăн Çутçанталăк ресурсĕсен тата экологи министерстви вут-кăвартан сыхланас тĕллевпе ятарлă хушу кăларнă. Июлĕн 18-мĕшĕччен республикăри вăрмансене çуран тата автотранспортпа ирĕккĕн кĕрсе çÿреме чарнă.
Министерство çынсене вăрманта кăвайт чĕртме, пирус туртма юраманнине аса илтерет.