Ĕçчен алă валли ĕç тупăнатех. Кивĕ Чукал  халăхĕ нихăçан та ĕçсĕр лармасть. Хĕлле те, çулла та ун валли ĕç пур. Хĕлле вăл вăрман кăларать, кăçатă çапать. Çулла вара кăмпа, çырла пуçтарать. Унсăр пуçне те ун вали ĕç нумай.

Ял çынни ачисене мĕн пĕчĕкренех ĕçе вĕрентет. Кĕçĕннисем вара, мĕн вăй çитнĕ таран, аслисене пулăшма тăрăшаççĕ. Хальхи  вăхăтра халăх  милĕк хатĕрлет.  Ашшĕ амăшĕ аслăрах ачисемпе милĕк хуçса çыхаççĕ. Ытлашши милĕке сутсаççĕ. Милĕк сутса ял халăхĕ лайăх тупăш тăвать. Ан ÿркен çеç ялта выçă лармастăн. Хăраман алă яланах ĕç тапать, çемьене тăрантать.