Август уйăхĕнче Шупашкар хули хăйĕн çуралнă кунне паллă тума хатĕрленет. Çак паллă пулăма хатĕрленсе уяв кунĕсем вăхăтĕнче кăна мар, ун умĕн те тĕрлĕ мероприятисем ирттерме палăртнă. Вĕсенчен пĕри - «Хулари кăмăл» фотоконкурс. Ăна йĕркелекенĕсем - хула администрацийĕ, Love Radio тата «Геометрия» фотоакадеми - фото ÿкерме кăмăллакансенчен хула сăнне, унăн çыннисене сăнлакан фотоÿкерчĕксем кĕтеççĕ. Çĕнтерÿçĕсене хаклă парнесем тата наградăсем парса чыслĕç.

Ÿкерчĕксене августăн 5-мĕшĕччен ipg форматпа chebgeo@ mail.ru электрон адреспа йышăнаççĕ. Çĕнтерÿçĕсене йĕркелÿ комитечĕн жюрийĕсĕр пуçне ахаль çынсем те Geometria.ru сайт çине августăн 6-16-мĕшĕсенче хăйсен шухăшне пĕлтерме пултараççĕ. (Вăрмар районĕ)