Чăваш Республикин хăй тĕллĕн çÿрекен ял хуçалăх машинисен тата ытти техникăн юсавлăхне пăхса-асăрхаса тăракан патшалăх инспекцийĕн тата шалти ĕçсен министерствин патшалăх çул-йĕр хăрушсăрлăхĕн инспекцийĕн пĕрлехи хушăвĕпе килĕшÿллĕн çурла уйăхĕн 1-мĕшĕнчен тытăнса 31-мĕшĕччен «Трактор» уйăхлăх иртет.

Иртнĕ çулсенчи профилактика мероприятийĕсем вăхăтĕнче хăш-пĕр ял хуçалăх предприятийĕсенче, хресчен (фермер) хуçалăхĕсенче, килти хушма хуçалăхсенче юсавсăр техникăпа усă курнине, ял хуçалăх машинисемпе тракторист-машинист удостоверенийĕсем çук çынсем çÿренине тупса палăртнă.

«Трактор» уйăхлăх вăхăтĕнче патшалăх техника асăрхавĕн тата «Вурнарский» пайĕн ГИБДД уйрăмĕн инспекторĕсем канмалли кунсенче те рейдсем ирттерĕç.

И.ТИМОФЕЕВ