Пур хуçалăхсенче нумай çул ÿсекен курăксене планпа пăхнă тăрăх 3920 гектар çинчен çулса илмелле пулнă пулсан, июлĕн 5-мĕшĕ тĕлне 2610 гектар çинче çулнă. Ку 67 процентпа танлашать.

Планпа 3738 тонна утă хатĕрлемелле. Çÿлерех асăннă вăхăт тĕлне ăна хуçалăхсенче 3892 тонна хатĕрленĕ е 104 процент. «Шигали» хуçалăх планпа пăхнинчен 125, «Средний Аниш» тулли мар яваплă общество 120 процент хатĕрлесе хунă та.

Плана 100 проценчĕпех пурнăçланă хуçалăхсем те йышлă - «Урмарская» кайăк-кĕшĕк фабрики, «Кĕтне», «Сергеев В.М», «Яковлев В.Н.», «Веха» хресчен (фермер) хуçалăхĕсем. Сенаж 1800 тонна хывса хăвармалла пулсан, хальлĕхе 1200 тонна хывнă, 105 тонна витаминлă курăк çăнăхĕ хатĕрленĕ.