Чӑваш Республикин  потребительсен кооперацийĕн хисеплĕ ĕςченĕсем тата ветеранĕсем!

Сире прорфесси уявӗпе – Пӗтӗм тӗнчери кооперативсен кунӗ ячӗпе саламлатӑп!

Пирӗн ҫӗр-шыври потребительсен кооперацийӗ, вӑрӑм та кӑткӑс ҫул иртсе, пӗрпӗтӗмлӗхне, хӑйне евӗрлӗхне сыхласа хӑварнӑ тата ҫапли­пех пысӑк вӑй-хӑвачӗпе палӑрса тӑрать. Коопераци юхӑмӗ хӑ­йӗн пӗл­терӗшне тата халӑха социаллӑ пулӑшу ӗҫӗсемпе тивӗҫтерес, производ­ствӑна  пулӑшас тата ял хуҫалӑх продукцине вырнаҫтарас, респуб­ли­ка экономикин конкурентлӑхне ӳстерес ӗҫри витӗмлӗхне ӗнен­мелле ҫирӗп­летсе пачӗ.

Кӑҫал чӑваш кооператорӗсемшӗн уйрӑмах паллӑ тапхӑр: Чӑваш Рес­­публикин потребительсен кооперацийӗ йӗркеленнӗренпе 120 ҫул ҫитет. Ҫакна палӑртма кӑмӑллӑ: коопераци юхӑмне умри тӗллевсене пы­сӑк яваплӑхпа пурнӑҫлама пултаракан ҫӗнӗ ӑру хутшӑнать.

Пуян историллӗ потребительсен кооперацийӗ унчченхи ӑрусем ни­кӗслесе хӑварнӑ ырӑ йӑли-йӗркине малалла та чыслӑн пурнӑҫласа пырас­сине тивӗҫтерес тесе ӑслӑ вӗрентекенесем хӑйсен нимрен паха опыт­не ҫам­рӑк­сене парса хӑварма пултарасси пирки иккӗленместӗп, потребительство рынокӗ малашне те ҫӗнӗ йышши методсемпе усӑ курса пурне те туллин тивӗҫтермелле ӗҫлессе шанатӑп.

Потребительсен кооперацийӗн мӗн пур ӗҫченне, пайҫӑсене, отрасль ветеранӗсене уяв ячӗпе саламлатӑп. Ҫирӗп сывлӑх, коопераци юхӑмне кирлӗ пек аталантарма тата ялти пурнӑҫ пахалӑхне ӳстерме пу­лӑшакан  плансене ӑнӑҫлӑн пурнӑҫлама, телей тата ырлӑх сунатӑп! 

Чӑваш Республикин Пуҫлӑхӗ                                                                               М.В. Игнатьев