Халăха «пĕр чÿрече» йĕркипе муниципалитет тата патшалăх пулăшăвĕ парасси вăй илсех пырать. Акă, иртнĕ çулта районти нумай функциллĕ центра 270 çын пынă. Вĕсенчен 123-шне консультацисем панă, 147 çыннăн пулăшу илме ыйтса çырнă заявленийĕсене пăхса тухнă. Хальхи вăхăтра халăха муниципалитет пулăшăвĕ парассипе ĕçлекен учреждени 34 тĕрлĕ пулăшупа тивĕçтерет. Центр уполномоченнăйĕ федерацин тата ЧР ĕç тăвакан органĕсемпе патшалăх пулăшăвĕ парассипе 59 килĕшÿ тунă. Çавăн пекех «пĕр чÿрече» йĕркипе Мăн Вылăри, Ехремкассинчи, Юнтапари вулавăшсем ял халăхне сĕнÿсем параççĕ, муниципалитетсен 25 енлĕ пулăшăвĕпе тивĕçтерессипе документсем хатĕрлеççĕ.