Тăвайри шкулчченхи учрежденин çĕнĕ çуртне тăвасси малалла пырать. Унта "Старатель" СК" тулли мар яваплăхлă общество членĕсем аван тăрăшаççĕ. Çак кунсенче объект тăррине витсе пĕтерчĕç. Электроэнерги системи те хута кайнă çуртра. Çывăх вăхăтра газпа ăшăтакан котел та хăйĕн тивĕçĕсене пурнăçлама пуçлать. Шалта, пỹлĕмсенче те çынсем вăй хураççĕ. Юр çуса лартиччен территорине те тирпейлесе пĕтереççĕ.