Раççей Федерацийĕн Президенчĕ Владимир Владимирович Путин Чăваш Ен Пуçлăхне Михаил Игнатьева тата республикăри мĕн пур çынсене Халӑх пӗрлӗхӗн кунӗ ячӗпе чӗререн саламланă. "Раççей халăх пĕрлĕхĕн йăлисемпе яланах вăйлă пулнă - аслă тата пархатарлă тĕллевсем тавра, çĕр-шывăмăр ирĕклĕхĕпе никама пăхăнманлăхĕн ячĕпе чăмăртаннă. Тăван çĕр-шыва юратасси, наци историне, вăрçăри паттăрлăха, аслă ăрусен ĕçри çитĕнĕвĕсене хисеплесси ĕмĕртен ĕмĕре, ăруран ăрăва куçса пынă. Çакă пирĕн патшалăхăн çирĕп никĕсĕ пулса тăрать, çĕр-шыв умĕнче тăракан пысăк пĕлтерĕшлĕ тĕллевсене ăнăçлă пурнăçлама пулăшать. Сире палăртнă плансене пурнăçлама тата пĕтĕм ыррине сунатăп",  – тесе çырнă хăйĕн салам йĕркисенче Раççей Федерацийĕн Президенчĕ  Владимир Путин.